మాయదారి పిల్లి

మాయదారి పిల్లి

పిల్లి

పిల్లి

అల్లరిచేస్తే పిల్లొస్తుంది
ముక్కూ చెవులూ రక్కేస్తుంది
అల్లరిమానీ పిల్లల్లారా
చల్లగ మెల్లగ కూర్చోండర్రా
(పిల్లలు మారాంచేస్తే మానిపించటానికి ఇలాంటి పాటలే మాటలే చెబుతారు అమ్మలు)

మ్యావ్ మ్యావ్ పిల్లి

మ్యావ్ మ్యావ్ పిల్లి 

మ్యావ్ మ్యావ్ పిల్లి -- పాలకోసం వెళ్ళి 
వంటగదికి మళ్ళి -- తలుపు చాటుకెళ్ళీ 
మూతతీసి తాగ -- మూతి కాలె బాగా 
అమ్మవచ్చి చూచె -- నడ్డి విరగగొట్టె 


(పిల్లి ఎప్పుడూ దొంగతనంగా వంటింటిలోకి దూరిపోయి.... పాలు తగేస్తూ ఉంటుంది. అలా దొంగతనంగా పాలు తాగటం దాని సహజ గుణం. దాని కాళ్ళు , నడ్డి విరగగొట్టటం మన సహజ లక్షణం. కానీ ఈ రోజుల్లో పిల్లులకి అందకుండా పాలు-- పెరుగులు ఫ్రిజ్ లలోనే ఉంటున్నాయి.)

మాయదారిపిల్లి

మాయదారిపిల్లి

మ్యావ్ మ్యావ్ పిల్లి -- మయదారిపిల్లి 
మ్యావ్ మ్యావ్ పిల్లి -- మీసాల పిల్లి 

దొంగవలె -- ఇంటికొచ్చి 
పాలుతాగి -- పెరుగుతిని 

నేతి గిన్నె -- ఖాళీ చేసి 
కుండలన్ని -- కిందతోసి

కళ్ళుతెరిచి -- మూసికొనుచు
పారిపోవు -- దొంగపిల్లి

మ్యావ్ మ్యావ్ పిల్లి -- మాయదారి పిల్లి
మ్యావ్ మ్యావ్ పిల్లి -- మీసాల పిల్లి

(మీ ఇంటికి కూడా పిల్లుల్లు వచ్చి ఇలాగే పాలు, పెరుగు తగేస్తాయా మా ఇంటికి వచ్చి దొంగ పిల్లులు తగేస్తాయి)

బడాయి పిల్లి

బడాయి పిల్లి

బడాయి పిల్లి లడాయి కెళ్ళి 
మిడుతను చంపి ఉడుత అన్నది
ఉడుతను చంపి ఉడుం అన్నది 
ఎలుకను చంపి ఏనుగు అంది 
సింహం తానని పొంగిన పిల్లి 
కుక్కను చూచి ఒకటే పరుగు